У традыцыйны беларускамоўны чацвер 13 студзеня для вучняў 10-11-х класаў настаўнікамі англійскай мовы быў праведзены гісторыка-лінгвістычны квэст «У адзінстве-наша моц».

У адпаведнасці з інфармацыяй атрыманых маршрутных лістоў вучні ажыццявілі падарожжа па бязмежна-прыгожай краіне беларускай мовы у складзе дзвюх каманд. На працягу мерапрыемства вучні паспаборнічалі у выразным чытанні беларускіх вершаў, выкананні інтэрактыўных практыкаванняў, прысвечаных цікавым старонкам гісторыі роднай краіны, у дакладным вызначэнні моўных тэрмінаў падчас настольных гульняў “Лінгвістычнае лато”, даміно «Знайдзі падобнае”, “Падарожжа па Беларусі”, “Лінгвістычны калейдаскоп”.

Падчас рэфлексіўнага этапу мерапрыемства вучні з задавальненнем абмяняліся набытымі ведамі такіх цікавых беларускіх слоў як зэдлік, жырандоля, кажан, нагавіцы, майткі і шмат іншых. Вучні разам з настаўнікамі атрымалі сапраўдную асалоду ад атмасферы сяброўства і душэўнай цеплыні, нягледзячы на марознае надвор’е. Безумоўна, перамагло сяброўства.

Кацярына Леанідаўна Драздова, настаўнік замежнай мовы
дзяржаўнай установы адукацыі
«Сярэдняя школа №28 г. Магілёва»